許甯博師傅分享：用八字教小孩

好多家長成日問我：「師傅，點解我個仔咁難湊？」其實，玄學入面早就寫清寫楚。用八字教小孩，唔係要幫佢批米奇幾時行運，而係睇穿佢內心條「隱形軌跡」。今日同大家總結五大常見嘅性格命格，睇吓你屋企個「小神獸」係邊種！

1. 傷官食神格：腦筋轉數快嘅「精靈小惡霸」

教養大忌：千萬唔好打壓佢！

喺我多年嘅算命生涯入面，發現依家好多細路都係傷官食神極旺。呢班精靈古怪嘅小朋友，優點係聰明、活力十足、舉一反三仲滿腦主意，簡直係理想細路第一位！但缺點同樣會令阿媽血壓飆升：鬧不得、頂嘴、越禁越做，仲識得睇你眉頭眼額，簡直係屋企嘅小惡霸。

對住傷食旺嘅細路，硬碰硬係死路一條，因為佢哋「受軟唔受硬」。傷官食神天生就係正官七殺嘅剋星，你越嬲佢越開心，樂此不疲。想收服佢？唯有用智慧同幽默感去引導！

2. 正官七殺格：自律到頂嘅「天使與魔鬼混合體」

教養大忌：千萬唔好過份控制！

排第二常見嘅就係正官七殺格。呢類小朋友外表絕對係天使：有禮貌、唔使點催就識自己做功課溫習。但天使嘅反面就係魔鬼，缺點係乜嘢都要管、脾氣大、硬頸、乜都要自己話事又勁要面子，簡直係小霸王托世。

官殺旺嘅細路絕對唔可以放養，佢哋能力強，但好容易讀書讀到鑽牛角尖，畀太多壓力自己。最適合嘅方法係同佢一齊制定清晰嘅時間表，畀佢有秩序感咁去發揮。

3. 正印偏印格：黎報恩但懶到出汁嘅「富三代格局」

教養大忌：千萬唔好溺愛縱容！

如果印星滿地，呢個細路通常勤勉好學、孝順又聽話，做事有板有眼，絕對係父母眼中「黎報恩」嘅天使。不過，佢哋嘅缺點都好嘔心瀝血：八卦、唔識變通、乜都要問阿媽，最弊係懶到出汁 – 可以瞓嘅話絕唔會郁，簡直係死蛇懶鱔一條！

印星旺嘅細路極度需要一份明確嘅 SOP（標準作業程序）。佢哋天生帶有祖蔭，最適合做富三代享福，但問題係……老豆你係咪先？所以，適度嘅推動同明確步驟係不可或缺嘅。

4. 比肩劫財格：義氣行先嘅「講心唔講金」黨

教養大忌：千萬唔好打壓脅迫！

比劫極旺嘅小朋友，優點係堅強、可靠、重情義，朋友多到數唔晒，長大後絕對能獨當一面。但令人頭痛嘅地方在於：思慮不周、死牛一面頸、容易受損友影響、對朋友疏爽大洗又自我中心，往往聽朋友講多過聽阿媽講。

呢類孩子絕唔接受家長式威權壓制，你越逼佢越反叛。想同佢溝通？請放低身段，當佢係朋友咁去相處、去尊重，先至會同你有偈傾。

5. 正財偏財格：社交能手嘅「未來大亨」

教養大忌：千萬唔用框架限制思想！

財星旺相嘅小朋友，天生愛結交朋友、識享樂、思想敏捷、具備商業頭腦，絕對有望成為一代大亨。不過缺點就係怕悶、孤獨、花錢如流水，仲好容易聽信擦鞋仔嘅擦鞋說話，一唔小心好容易行差踏錯。

對住呢類型嘅細路，千萬唔好用條條框框去限死佢。佢哋頭腦靈活、追求生活質素，需要父母提供滿滿嘅情緒價值同經常陪伴，至能夠引導佢走上正軌。